يابو فهد يا عِزوتي سافَر الشوق
يابو فهد عُقبه جروحي عطيبه
يابو فهد ملَيت من دشِة السَوق
يابو فهد عُقب الغضي وِش نبي به
يابو فهد والنَفسِ ما تقبل الذوق
يابو فهد هاذي علينا صعيبه
يابو فهد مالي معَ النَاس معشوق
يابو فهد بَدرَي سِتَر في مغيبه
يابو فهد زين التغازيل غرنوق
يابو فهد بالشَين ما ينحِكي به
يابو فهد ما فيه كِبرٍ ولا موق
يابو فهد عقلٍ ونفسٍ حبيبه
يابو فهد وش رايك القلب محروق
يابو فهد فرقى الولايف مصيبه